Manje se premye medikaman kò a. Rechèch jounen jodiya ap mete aksan chak jou pi plis sou relasyon sa nou manje ak eta sante nou. Aliman yo ede nou grandi, yo bay ògàn nou sa yo bezwen pou yo konstui epi pwoteje nou. Men pou aliman yo ede nou grandi, se pa sèlman kantite yo pou nou konsidere; genyen kalite yo tou. Sa vle di, ki pòsyon eleman nitritif yo genyen, nan ki dimansyon yo pwòp, sen, kote yo pa genyen danje pou sante nou. Avèk kontaminasyon biyolojik ak parazit, bakteri, kontaminasyon ak lòt eleman chimik tankou toksin, pwazon, eleman fizik tankou mikwo plastik san konte modifikasyon jenetik, kalite sa nap manje yo vin yon koze konplike. Kidonk nou pa ka manje jis pou manje, fòk nou manje yon fason ki responsab pou sante nou, pou anviwònman an ak jenerasyon kap vini yo. Nosyon sekirite alimantè a vin defini kantite, kalite ak enpak sa nou manje.
Sous : https://news.un.org/en/story/2015/04/495232
Les lettres de Felix, genyen yon lane anplis depi li ap fòme ak enfòme nou sou kalite aliman nou yo, sitou sa ki soti lakay bèt yo, ak danje yo kapab pote pou sante nou. Objektif la pa chanje. Enfòmasyon dwe aksesib, fasil pou konprann yon fason pou tout moun ka konsyan sou sitiyasyon yo ak sou fason pou yo pwoteje tèt yo.
Nan pèspektiv nou pou nouvèl ane sa a, nou genyen :
- lansman paj la an fransè ak anglè
- patenarya ak platfòm Sauvons l'Agriculture
- travay ekseprimantasyon, rechèch ak devlopman sou sijè nou yo
- de sijè pi varye epi ki touche lòt aspè tankou anviwonman
Mèsi paske w toujou fidel ak nou! N ap pouse pou pi devan !
Comments
Post a Comment